之前去日本如果遇著蟹當造的季節,一定會吃個全蟹宴,無論毛蟹、花咲蟹、香箱蟹,松葉蟹都好各有特色。日本的蟹真係啖啖肉,而且十分鮮甜。?
呢個 《蟹肉三文魚子釜飯》,珍珠米吸收蟹嘅鮮味, 每一口飯都好鮮甜呢!?
再加少少醬油漬三文魚子,真係好味道不得了?,完完全全感覺去咗大阪!
比個小貼士大家,生蟹腳的蟹肉比熟蟹腳更鮮甜,依家去唔到旅行,間中豪少少煮好D,為味蕾自製個小旅行,好好享受下都不錯呢!
一眼就愛呢個LC Cocotte Every 嘅限定Wagara 系列的日本花紋圖案?,再加上啞黑色,真係靚到不得了。用佢來煲飯、做釜飯一流。
鑊身設計受熱均勻,短時間就可以煮到粒粒分明的飯。?
介紹返: 釜飯是將米、高湯、食材一起煮嘅有味飯。有別於港式煲仔飯先將飯煮至半熟,再放上食材,最後食嘅時候下豉油。
材料:2人前
日本生蟹腳 7條
日本珍珠米 2杯
醬油漬三文魚子 20克
水 2杯
香菇 3 隻
薑 1 片 ( 切成薑米) 油 少許
海鹽 1⁄2 少許
調味:
鰹魚湯包 1 個 /鰹魚汁 2湯匙 味醂 1湯匙
日本醬油 2茶匙
料理酒 2 茶匙
做法:
- 米洗淨後,用清水浸泡30分鐘備用 (可不泡)。
- 生蟹腳解凍後,將其中兩條拆肉,蟹殻留用。
- 除鰹魚湯包外,將調味拌勻。
- 香菇去蒂切片。
- 鑄鐵鍋加少許油,以中小火加熱,下薑米略翻炒。
- 將浸泡好的米隔水,放入鍋,下香菇,水,調味拌勻,再放上 鰹魚湯包和蟹殻。
- 蓋上蓋,小火煮8分鐘。
- 開蓋,取出鰹魚湯包和蟹殻。下已拆的蟹肉拌勻。
- 放上其餘蟹腳,下少許鹽。
- 蓋上蓋,細火煮 2分鐘
- 熄火焗15分鐘,開蓋後加入醬油漬三文魚子。
Tips: 可以嘅話買生蟹腳,蟹肉粉外鮮甜。記得將蟹殻留起,蟹殻是鮮味來源之一或用急凍罐裝蟹肉都可,豐儉由人。