車厘子當造，而且又唔太貴，買來做甜品吧！
傳統
嘅Galette用上牛油，麵粉和糖做成餅皮，Celia呢個懶人版用咗急凍酥皮，慳返唔少時間～
不過最糾結嘅過程係將車厘子去核，因為對住又大又甜嘅車厘子，忍唔住邊去核邊偷食呢！
食完先醒起，應該趁個餡餅仲熱嘅時候，加一球呍呢嗱雪糕一齊食仲正呢
！
其寶呢個 Galette 嘅餡料用其他果肉實淨少少的水果，好似蘋果、士多啤梨、藍莓、桃等都好好食。不過就唔好用水份太多的水果，好似芒果，奇異果等。
材料: ( 4個 5” 餡餅份量)
酥皮 1塊
蛋 1隻
粗黃糖 少許
批餡:
車厘子300克 (去核切一半)
粟粉 2茶匙
白蘭地2-3茶匙
檸檬 1個 (取檸檬皮及榨汁)
黃糖 40克
做法:
- 取出酥皮置於溫室約15分鐘至解凍。焗盤舖上牛油紙。
- 預熱焗爐200度。
- 小鍋放入車厘子,粟粉, 白蘭地, 檸檬皮,檸檬汁及黃糖,中火攪拌至黃糖溶解，放涼備用。
- 取出酥皮移至已撲上麵粉的枱上，分成4方塊等份。
- 將酥皮放牛油紙上。
- 用匙羹將車厘子餡料放到酥皮中間,保留外則約 2 吋左右。
- 將外則的酥皮往內摺,再把餘下的車厘子餡料汁倒進餡料內。
- 將蛋打發,然後於酥皮刷上一層蛋液和撒上少許粗黃糖即可。
- 放入焗爐焗大約25分鐘至酥皮金黃即可。
SHARE
