新鮮淮山又叫山藥，佢含有大量嘅黏液蛋白有補脾腎嘅功效。另外能有效阻止血脂喺血管壁嘅沉澱，保持血管彈性，有效預防心血管疾病，啱哂平時應酬多多嘅的朋友仔食。近年係街市或超市都會見到有新鮮淮山賣，但你都未必會買，因為唔知點整好，Celia 之早前幫萬歲設計了一個用鮮淮山做的小炒！做法簡單又健康! 如果食得辣的朋友加D麻辣醬炒超惹味呢！
材料：
鮮牛肉片100克
鮮淮山 150克
三色椒 50 克
薑片 2至 3 片
乾蔥蓉 1茶匙
萬歲栗米油 2湯匙
雞湯 5湯匙
紅辣椒 （切段）½ 隻
鹽 酌量
醃料：
生抽 1茶匙
粟粉 ½ 茶匙
白胡椒
糖 ½ 茶匙
麻油 ½ 茶匙
紹酒 ½ 茶匙
茨汁：
水 1湯匙
粟粉 ½ 茶匙
糖 ½ 茶匙
蠔油或老抽 ½ 茶匙
做法：
- 牛肉用醃料拌勻，醃15分鐘，待用。
- 鮮淮山去皮切片備用。
- 用中大火燒熱鑊，下油，然後下牛肉炒至兩面轉色，約8成熟,盛起備用。
- 用原鑊爆香薑片和乾蔥蓉。加淮山略炒片刻並加入雞湯和紅辣椒（如果要的話）。
- 加蓋煮至淮山至開始軟身。並下和三色椒略炒後再加入牛肉回鑊，倒進茨汁，轉大火，煮滾後，灑少許鹽調味。加蔥段，上碟享用。
Tips：
** 處理鮮淮山，記得要戴上手套，我試過因為想慳返對手套 ，諗住本身皮膚都不是敏感類型，當接觸到鮮淮山汁液，真係痕到難以形容呢!
** 去皮後嘅鮮淮山係好快會氧化轉色，可以浸清水減慢轉色或等到所有材料和牛肉醃好後才處理以減慢氧化的速度。
SHARE
