呢個post 想寫好耐，但係實在太忙，所以依家先有時間寫。
上個月同萬歲栗米油攪左兩場的烹飪班，多謝萬歲栗米油的支持，由食材、菜式都比左好大空間我地，一個好好的經驗!
教左大家整大熱的靚靚玫瑰蘋果批和日本甜薯釀雞雞翼，本於個人對蕃薯鍾情厚愛，所以用左蕃薯去釀而不是普通的薯仔，所以份外香甜!不過為左呢個菜式我用左好多時間預備單骨雞翼，但見到D同學仔煮得咁開心都值得，佢地個個都話好抵，份量超多，玩完仲有萬歲送比大家的禮物，滿載而歸呢!
I 材料：
- 雞中翼6隻
- 日本蕃薯 140克
- 甘荀 20 克
- 煙肉一片
II醃料：
- 生抽2茶匙
- 糖1/4茶匙
- 燒酒1/2茶匙
- 麻油少許
- 鹽、白糊椒粉少許
III. 調味料：
- 鮮奶 1湯匙
- 無鹽牛油 1茶匙
- 鹽半茶匙
- 黑椒適量
- IV. 脆面：
-
- 雞蛋 1隻 (已發打好)
- 日式麵包糠1杯
- 麵粉3湯匙
做法:
- 煙肉和甘荀切幼粒備用。
- 雞翼洗淨，用剪刀或刀與雞骨相連的肉，旋轉較幼的一條骨數下，拆出並反起雞肉成雞翼袋。用醃料醃30分鐘備用。
- 蕃薯隔水蒸約20分鐘至軟身，趁熱加入調味料、煙肉和甘荀拌勻成蕃薯蓉煙肉和甘荀切幼粒 。
- 將蕃薯蓉釀入雞翼，用牙籤封口，依次沾上麵粉，蛋液和麵包糠。
- 放入已燒熱的油中，炸至金黃色即可.
SHARE
