之前堂姐結婚，係帝苑酒店的中菜廳吃一個好好味的fusion菜。平時飲宴一定係食炒飯，但帝苑的廚師就好有創意地做了一個XO醬牛崧炒米形意粉，用米形意粉取代白飯。那夜第一次吃米形意粉，一試便愛上。很喜歡它的口感，米的形狀，但沒有意粉、米飯或 Risotto那種軟濡，口感比較爽。令我這個唔喜歡吃飯既人一試愛上，並急不及待去 City Super買包心形意粉試試看。
去街市買牛肉的時候叫牛肉叔叔俾20元碎牛給我，但佢問我買黎點整，知道我用來炒飯就叫我自己回家切碎，佢話因為用碎肉機攪出來的肉沒有口感，自已動手切可以吃出牛肉的口感和鮮味云云⋯⋯叔叔好好人，知我怕麻煩，幫我切細一點，好讓我回家不用花太多時間切碎。逛街市就是喜歡這種人情味和街市的姐姐和叔叔會分享他們的下廚和選料心得，而且食材永遠比超市新鮮。
多謝牛肉叔叔，炒出來的牛肉口感一流，而且味道同賣相同帝苑酒店帶9成相似，我真的太有天份了 (忍不住要讚一下自己)！
材料: (2人分量)
Puntalette / Ozo (米形意粉) – 200g
牛肉 － 100 g 切碎
蘆荀 － 50 g切粒
蒜頭1粒切片
XO醬2-3湯匙
意大利橄欖油 1湯匙
醃料：
豉油 2湯匙
意大利橄欖油 1湯匙
白糖 1湯匙
栗粉 ½湯匙
麻油½湯匙
做法:
1. 牛肉用醃料醃至少半小時。
2. 按包裝指示煮Puntalette(大約12分鐘),瀝乾水。
2. 燒熱平底鍋,下橄欖油,炒香蒜片，下牛肉妙至半熟，再下蘆荀。
3. 下XO醬和米形意粉炒至材料均勻。
4. 下少許鹽調味熄火。
SHARE
