Cooking Fever Cooking Studio,位於九龍觀塘,小班教學的烹飪教室,另外可包場舉辦各類型聚會、Party 或 Event。設有特大開放式廚房,你可以大展身手, 地點方便,環境寬敞舒適! Cooking Fever - Cooking Studio

地址

觀塘, 香港(近 APM)

食譜

特約食譜 亞洲菜 Cooking Project 2022.03.05

日式炒麵熱狗 (焼きそばパン)

依家疫情嚴峻,小朋友在家上課,在家工作的爸爸媽媽們除在家中工作更要照顧小朋友一日三餐。唔想花太多時間準備又想好食同吸引小朋友食快D ,呢個日式炒麵熱狗真係冇得輸!??
話說呢個日式炒麵熱狗源於日本漫畫,一個鐘意食炒麵嘅人想慳返夾麵嘅時間,所以將D麵夾係麵包度,筷子都唔使用就食到麵喇!?
一個好嘅日式炒麵,個汁係靈魂,以前我會買一支專用來做日式炒麵或整章魚丸的汁,但用一兩次後就好快過期。其實自己溝都好易,最重要有一支靚嘅醬油,#萬字超級香醇醬油,發酵時間比一般醬油時間長,選用頂級原條小麥和黃豆,味道香醇帶甘甜,細味下會發現味道很有層次,不會死咸,而且色澤不會好深色,用佢來做小炒和炒麵都好啱呢!炒出來嘅麵條色澤均勻亮澤呢!
最重要係100% 天然釀造,無味精、無人造色素,食得安心最重要!
講返個炒麵汁,除咗醬油外我會加少少糖和照燒汁,(或用燒肉汁),比返個甜味之餘,令麵汁更厚身和掛汁。另外再加柚子醋醬油比個酸味。我平時煮日式料理多,所以一定有支柚子醋醬油,用來打邊爐或配魚、做沙律都用到。如果冇嘅話可以加喼汁!咁個炒麵汁酸酸甜甜,好開胃呢!
日式炒麵熱狗 (焼きそばパン)_ 2
材料:
牛油麵包/熱狗包 3 個
日式炒麵麵餅 1 個
椰菜 30克
洋蔥 ½ 個
煙肉 2 片
油 2 茶匙
萬字超級香醇醬油 2湯匙
萬字味醂 2 茶匙
萬字日式照燒醬汁 1 湯匙
萬字柚子醋醬油2 茶匙
糖 2 茶匙
木魚絲 適量
紫菜絲 適量
芝士片 1 片 (裝飾用)
日本紅薑絲 適量 (裝飾用)
做法:
1. 牛油麵包/熱狗切半,放入焗爐焗5分鐘將麵包翻熱。
2. 煙肉切粒,椰菜、洋蔥切絲。
3. 中大火燒熱鑊,下油,將煙肉炒香。
4. 下洋蔥和椰菜絲,下 1 湯匙萬字超級香醇醬油和味醂將椰菜炒至 7成熟或至軟身。
5. 下日式炒麵麵餅,用筷子輕輕將麵餅炒鬆。
6. 下1湯匙萬字超級香醇醬油、日式照燒醬汁,糖和柚子醋醬油。
7. 將所有材料炒勻,麵條吸收所有醬汁後熄火。
8. 將炒麵放入麵包中,放上紫菜絲、木魚絲、日本紅薑絲。
9. 將芝士片剪成橢圓形、紫菜剪成眼和鼻放上麵包上 。

 

 

SHARE

其他記事

隨煮 亞洲菜 2024.02.07

蔥油雞扒 Scallion Oil with Cr...

2 樣材料就做到港式碟頭飯 ,零油煎雞扒,雞皮香脆,雞肉依然Juicy。沾滿蔥油香味的雞扒,十分惹味,超下飯啖啖肉!   我這個蔥油製作十分簡易,而且一次過可製作多一點,放入雪櫃保存,美味蔥油,無論蘸叉燒、豬扒、撈麵都好好食.  ...

MORE
隨煮 亞洲菜 2023.12.11

椰青水藥膳醉雞鍋...

踏入秋冬天又係食鍋物、打邊爐的季節。 打邊爐好鐘意飲椰青水,貪佢清熱解渴,Meko椰青水 佢無添加糖、零脂肪,零膽固醇,飲多幾杯都唔怕。除咗就咁飲,用來煮野食同甜品都好適合呢! 至於火鍋湯底,我自己特別喜歡醉雞鍋,喜歡當歸、黨參的香味,並...

MORE