和風版中式家常菜【冬菇馬蹄煎肉餅】
香港人真係好鐘意食日本野（尤其是冇得飛嘅時候），除咗魚生，日式料理嘅醬汁都係靈魂！
忽發奇想：
如果加點日本味道嘅中菜，會唔會又可以好受歡迎呢？把心一橫就試吓用日式醬汁煮中菜，煮出新「鮮」感
蒸肉餅係每個家庭都會整嘅菜式! 煎肉餅都好好食，結果超愛日式料理的老公一試呢個肉餅就話：「正～juicy得嚟帶少少日式燒汁嘅甜！好送飯吖。」
如果你屋企有人鍾情日式料理，推介依個和風中菜啦 易整又好食 。
肉餅煎得Juicy嘅秘密係：
唔好貪心煎好厚- 醃嘅時候加少少水
- 中大火煎封表面再轉慢火煎, 唔好心急成日反個肉餅
- 最後加埋個萬字燒肉汁，慢火煮，個肉餅就吸收晒個汁，入味之餘又一定熟
材料:
免治豬肉300克
冬菇4隻
馬蹄 3粒
油 適量
萬字燒肉汁2湯匙
醃料:
萬字醬油 1湯匙
糖 2茶匙
粟粉 1茶匙
水 2茶匙
做法:
- 1冬菇浸軟，去蒂切粒。馬蹄去皮切粒，備用。
- 將醃料及所有配料拌入免治豬肉，攪至起膠。
- 取一大湯匙豬肉，搓捏成圓形，輕輕壓扁成肉餅狀。
- 平底鑊下油，用中小火將肉餅煎至兩面金黃。
- 將萬字燒肉汁與1湯匙水拌勻，加入肉餅中慢火煮至收汁即成。
介紹返： 萬字醬油 用一級黃豆純天然釀造，發酵時間比一般豉油長，集甜、酸、苦、咸、鮮 五種口味，唔會一味死咸，用來醃肉或炒煎炒令食物味道更有層次。
更重要係 味精人造色素防腐劑
Kikkoman HK 萬字醬油
SHARE
