期待已久的新餐肉，終於有零售裝賣喇！
4 月嘅時候 media event 已經一試難忘!
一出post 好多朋友仔已經即刻問Celai邊度有得賣/食！可惜一直只可以係Green Common 餐廳先食到.
呢塊新餐肉真係食物科技同素食界的重大突破呢!
像真度99% 的新餐肉超乎你的「肉望」。同真午餐肉比較，新餐肉的熱量、總脂肪和鈉含量更低，同時
零殘忍、非基因改造、無添加激素、抗生素及味精，可致癌的防腐劑硝酸鹽，且蔥蒜. 所以真係食多兩塊都冇負擔呢!
零售裝一出即刻買來整咗呢個【新餐肉墨西哥玉米餅】，Celai好鐘意食 Taco Shell，切好晒D材料，加Cheese 就食得！今次加咗新餐肉, 將佢切成條. 四邊都煎香, 再加埋菠蘿
, 一咸一甜. 勁 match , 而且菠蘿好 juicy, 唔使加咩醬汁已經好好食喇!
煎新餐肉有少少貼士要同大家分享, 就係唔使解凍唔使解凍唔使解凍
重要嘅嘢真係要講 3次 ‼️‼️只需要加少少油, 中火每邊煎 2-3分鐘就可以. 同埋唔好成日反!
今次仲加咗Califarm 嘅純植物牛油煎餐肉, 芝士都係純素芝士!
唔同嘅素食產品KEEP 住出，真係食多咗好多素呢！
材料 ( 2-3 人份):
新餐肉 4塊
菠蘿 2-3片
迷你三色椒 3隻 (切絲)
墨西哥栗米餅 (Taco Shell) 4片
墨西哥辣椒（Chipotle Pepper） 少許
純素車打芝士 20克
純素牛油 1 茶匙
沙律菜 適量
蕃茜 少許
霹靂辣椒醬 （Peri Peri Sauce） 適量
做法:
- 將栗米餅放入焗爐160c 焗 5 分鐘。
- 新餐肉從冰格取出，用刀切條。
- 中火燒熱平底鑊，下純素牛油，下新餐肉條，四面煎至焦香，取出。同一時間可以下菠蘿煎至少許焦糖化 （將5分鐘），取出切粒。
- 三色椒切絲、純素車打芝士刨成絲。
- 將已烘熱的栗米餅加入新餐肉、菠蘿等其他配料，喜歡辣一點的朋友可以加點霹靂辣椒醬。
*煎過的菠蘿會帶點焦糖的味道，特別香甜，怕麻煩唔煎都可以。
*不吃辣的可以不加墨西哥辣椒
SHARE
