嚟緊中秋做節
,因限聚令下應該都係屋企做節。
同大家分享一個老少咸宜的宴客菜式《櫻花蝦瑤柱冬瓜環》
呢個加入冬菇、瑤柱嘅冬瓜環，一攞出來，親朋戚友一定會嘩一聲，因為實在好靚！
Celia仲加咗日本嘅櫻花蝦提升味道,令傳統嘅中菜加點日式元素。
本身浸冬菇和瑤柱水都帶香味，但就需要加點鹹味帶出海味的咸香。
另外想令到冬瓜嘅賣相晶瑩剔透中帶點顏色，所以用咗萬字常鮮生醬油，因為佢冇平時用開生抽嘅顏色咁深色，色澤較淺好似干邑，味道更鮮 ，唔會得死鹹嘅味道，蓋過冬菇和瑤柱的味道呢！
至於做法好容易，一滴油都冇落，好健康呢！
材料： （3-4人份）
冬瓜 1公斤
瑤柱碎 15克
冬菇 4隻
櫻花蝦 1湯匙
萬字常鮮生醬油 3 茶匙
粟粉水 （栗粉 1茶匙 ＋ 2湯匙水）
蔥花 （裝飾用）
做法：
- 冬菇和瑤柱浸最少 2小時，冬菇水和瑤柱水留用。
- 白鑊烘香櫻花蝦備用。
- 瑤柱撕成幼絲。冬菇去蒂切粒。
- 冬瓜去囊去皮。
- 將冬瓜環放在淺碟上，放上瑤柱絲和冬菇粒。
- 加入1 茶匙萬字常鮮生醬油 於浸菇和瑤柱水中，再倒上冬瓜環。
- 放入蒸爐100度 （或放入鑊）蒸 30分鐘至冬瓜軟身。湯汁倒起留用。
- 灑上蔥粒和櫻花蝦。
- 將湯汁放入小鍋煮滾，下2 茶匙萬字常鮮生醬油，下生粉水煮至濃稠，倒入瓜環即可享用。
值得一提係呢隻鮮生醬油， 無添加人造色素、味精及防腐劑 ，而且吱吱樽設計，份量容易控制！
其實日式醬汁除了日式料理仲可以做中式西式等菜式，唔好限制自己，大膽少少，比多少少創意，一支醬汁可以多種煮法，嚟緊我會同大家分享更多萬字醬油的不同的簡煮意！
SHARE
