羊年最後一個食譜，雖然寫少左，但都堅持羊年前出多一篇!
呢兩個星期咁凍，最適宜食D暖笠笠嘅嘢，其中煲仔飯係我嘅冬日至愛之選！買左個LC 煲2年幾都係用來燉同炆野 ，但從來冇試過用嚟整煲仔飯，但原來真係好方便，又好易整，一試愛上！
我加左少少鹹蛋白(因為唔想浪費剩左的蛋白)同麥皮令到個肉餅更軟滑唷!由預備到做好都係半個鐘攪點，完全乎合我快、靚、正嘅宗旨呢! 而且成本都係20幾蚊～好抵呢!
最後祝大家猴年身體健康、心想事成、煮得得心應手！
材料：
1.梅頭肉 (攪碎) 約300g
2. 鹹蛋黃鹹蛋黃2隻
3. 米 1.5杯(米量杯)
4. 水 1.5杯(米量杯)
5. 煲仔飯豉油 2湯匙 (視乎自己口味可加減，或可用蒸魚豉油)
肉餅醃料：
1. 薑米 1茶匙
2. 生抽 1茶匙
3. 燒酒 1/2茶匙
4. 栗粉 1/2茶匙
5. 水 11/2 茶匙
6. 糖 1/2茶匙
7. 鹹蛋白 1隻
8. 胡椒粉 少許
9. 麥皮 1 湯匙
做法:
1. 肉餅混和所有醃料，用筷子順一個方攪勻（約十多次至起膠）(圖1)。
2. 鑄鐵鍋加入水和米，中火加蓋煮1-2分鐘至水沸起，以筷子攪勻。(圖2)
3. 加蓋再煮約2分鐘後轉小火煮5分鐘至飯半熟 (飯面有還有點濕)。(圖3)
4. 開蓋，肉餅鋪在飯面上，再加上鹹蛋黃(圖4)，加蓋，將火稍為加大1分鐘，令煲內的熱力再增加，轉小火煮約10分鐘。
5. 熄火，讓飯焗8分鐘，如想弄飯焦，再開小火煮多5分鐘。
6. 淋上煲仔飯豉油，趁熱享用。
SHARE
