2015 年對於我人生來講一個應該係其中一個重要、忙碌的年份！年頭毅然辭了一份穩定的工作，來一個360度的轉變，去做一件自己喜歡做的事，開左一間Cooking Studio 教人煮嘢食！所有時間和心血都係Cooking Fever , 日日都係Cooking Fever ，冇休息過呢!
我這個Cooking Studio，由籌備到現在開業了9個月，有很多很多的第一次、很多沒有人知的辛酸和淚水，一星期7日每日工作12多小時，沒有假期….雖然真係辛苦但我得到很大的滿足感，而且每次見到離開的客人學到我教的菜式都開開心心我都很開心。工作上認識左好多不同的朋友，大家都好照顧我呢！亦認識好多對烹飪同食有研究的廚師和朋友，大家都熱愛烹飪，說著同樣的語言份外投契呢！
感激一直支持我的家人、朋友、舊同事、小學同學、中學同學、大學同學, 還有很多很多..不能盡錄，一切盡在不言中⋯！原來有這麼多愛我的人 (發覺原來自己人緣不錯，很多很久沒有聯絡的朋友突然出現)，好感動呢！ 令我有更大的動力！I love you all!
可以將自己的興趣做職業是奢侈的，慶幸可以做到! 由於得一雙手，想做的太多，時間太少，有好多地方其實可以做得更好的！希望2016年我會有更多煮意，煮更多美食和大家分享！期待有更多不同的學習、嘗試和第一次!
希望嚟緊再次係Cooking Fever 見到大家!
SHARE
