我係一個超喜歡明太子的人，外出用餐時一見到個Menu有明太子的菜式一定兩眼發光!當中明太子意粉係我的至愛!
呢個菜式成日都好想係屋企整，但不是家裡沒有明太子(因為係超市買左之後，最多只可以放兩日 所以係唔會買定的)，就是超市沒有(只有日式超市或大型超市才有售，但好多時放工時間去到超市時已經賣完，因為保鮮期很短，所以存貨有限)。今日終於買了它回家，心情好興奮，一到回家就忍不住開動煮飯mode!但這時才發覺家裡的意大利粉已吃完，只有煙斗粉，管它吧都是一樣 ，照煮，做法十分簡單，超好味(我覺得錯有錯著煙斗粉比意大粉的surface area 更大，可以吸更多的汁!)，原先諗住分開兩餐食，但實在好味到停不了口， 一次過KO了!
材料: (2人分量)
煙斗粉／ 意大利粉半包
明太子 一包 (2-3 條)
蛋黃醬 4湯匙 (我用的是丘比特BB醬)
淡忌廉 50 毫升
鮮奶 50毫升
紫菜絲 適量
做法:
- 熱水 加1湯匙鹽， 煙斗粉／ 意大利粉煲滾粉按包裝指示分鐘少3分鐘來煮， 撈起瀝乾水份備。
- 以湯匙或刀背把明太子薄膜內的魚子刮出。
- 蛋黃醬和明太子子拌勻，即成明太子醬。
- 燒熱平底鍋,下橄欖油, 加入忌廉和牛奶，中火煮滾，加入煙斗粉拌勻。
- 熄火，加入(3.)的明太子醬伴勻，試味，有需要可加鹽。
- 上碟，灑上紫菜絲即可大快朶頤!
貼士：明太子本身帶鹹香味，最後試味才加鹽，不然便會過鹹。
SHARE
